बर्दियाको राष्ट्रिय निकुाजमा सेनाद्वारा दुईजना दलित महिला र एक बालिकामाथि गरिएको दुव्र्यवहार र हत्याको ने।s।पा। मसाल ले तीब्र शब्दमा भत्स्रना गर्दछ र उक्त विषयमा निष्पक्ष तथा उच्चस्तरीय छानवीन गरी दोषिहरुलाई सजाय दिनुपर्ने माग गर्दछ । त्यसै गरेर जनकपुरमा आपसमा प्रेम विवाह गरेका हिन्दू दुलाह र मुस्लिम दुलहीहरु आफ्नो सुरक्षाका लागि भारतबाट नेपालमा आएका थिए । उनीहरु मध्ये मुस्लिम नवबधुलाई प्रहरीले सुरक्षाका लागि चौकिमा राखेर गरेको सामूहिक बलात्कारको घटना पनि अत्यन्त गम्भीर कुरा हो । त्यसले नेपालको प्रतिष्ठामा नै ठूलो आँच पुगेको छ । सेना वा प्रहरीद्वारा गरिने सामूहिक त्यस प्रकारका अपराधजन्य कार्यहरुलाई रोक्न तथा अपराधीहरुलाई अपराध अनुसार तुरुन्त सजाय दिन प्रभावशाली कदम उठाउन हामीले सरकारसित माग गर्दछौं ।

पूर्व राजा ज्ञानेन्द्रको ूराजतन्त्रको इतिहास समाप्त भइसकेको छ जस्तो लाग्दैनू भन्ने हालैको अभिव्यक्तिलाई हाम्रो पार्टीले अत्यन्त गम्भीर रुपमा लिन्छ । त्यस प्रकारको अभिव्यक्तिका पछाडि देशमा राजतन्त्रलाई विउताउने उद्देश्य वा षडयन्त्रले काम गरेको कुरा बुझ्न गाह्रो पर्दैन । हाम्रो पार्टीले सुरुदेखि नै राजतन्त्रको पुनस्र्थापनाको दिशामा भइरहेका प्रयत्नहरुको चर्चा गर्दै त्यस प्रकारको खतराका विरुद्ध उच्चप्रकारको सतर्कता अपनाउनुपर्ने आवश्यकतामा जोड िदंदै आएको छ । देशमा संविधानको निर्माणको दिशामा देखापरेको अनिश्चयता र अन्यौलको स्थिति प्रमुख वा सत्तारुढ राजनीतिक दलहरुका गलत प्रकारका नीति र कार्यप्रणाली त्यो कारणले गणतन्त्रको सुदृढीकरण र नयाँ संविधानको निर्माणमा पुगिरहेको बाधा तथा जनतामा विद्यमान व्यवस्थाप्रति नै असन्तोष र अविश्वास बढ्दै जाने सम्भावना आदि समेतका कारणहरुले प्रतिगामी शक्तिहरुलाई राजतन्त्रको पुनस्र्थापनामा बल पुग्ने सम्भावनाको गम्भीरतालाई अस्वीकार गर्न सकिन्न । खास गरेर देशका प्रमुख राजनीतिक दलहरुको राजासित खुला वा छद्म प्रकारको गठबन्धनको इतिहासको पृष्ठभूमिमा अहिले गणतन्त्रको पक्षमा भएका कतिपय राजनीतिक दलहरुलाई राजावादी शक्तिहरुले आफ्नो स्वार्थहरुका पक्षमा उपयॊग गर्नसक्ने र त्यसरी गणतन्त्रलाई धक्का पुग्नेतिर पनि हाम्रो ध्यान जानुपर्ने आवश्यकता छ । उक्त सबै कुराहरुमाथि ध्यान िदंदै पूर्वराजाले प्रकट गरेको अभिव्यक्तिलाई हल्का रुपमा लिनु गल्ति हुनेछ । एकातिर नयाँ संविधान निर्माण र गणतन्त्रको सुदृढीकरणको दिशामा ठोस र प्रभावशाली कारवाही गरेर र अर्कातिर सबै प्रकारका प्रतिगामी सोंचाई वा गतिविधिहरुलाई दृढतापूर्वक सामना गरेर तथा उक्त प्रश्नहरुमा जनतामा व्यापक चेतना पैदा गरेर नै हामीले राजावादी खतरालाई रोक्न सक्ने छौं र रोक्नु पर्दछ ।

संविधानको निर्माणको प्रश्नमा भईरहेको ढीलाईप्रति हाम्रो पार्टीले गम्भीर चिन्ता प्रकट गर्दछ । त्यस सन्दर्भमा खास गरेर माओवादीहरुको उनीहरुको नेतृत्वमा सरकार नबन्दासम्म संविधानको निर्माणमा सहयोग नगर्ने वा बाधा पार्ने सोंचाई र त्यसका लागि उनीहरुले बारम्बार जनविद्रोहको जुन कुरा गरिरहेका छन् त्यसलाई हाम्रो पार्टीले अत्यन्त गम्भीर रुपमा लिन्छ । त्यस प्रकारको सोंचाईले २०६२-६३ को आन्दोलन गणतन्त्रको सुदृढीकरण वा संविधानको निर्माण भन्दा आफ्नो सत्तालिप्सालाई माथि राख्ने उनीहरुको दृष्टिकोणलाई बताउँछ । हामीले माओवादी सहित सबै प्रमुख राजनीतिक शक्तिहरुसित पुनः आपसमा सहमति र सहकार्यको वातावरण बनाएर निर्धारित समयमा संविधानको निर्माणको कार्य पूरा गर्नका लागि अपील गर्दछौं ।

अन्तमा भारतका शिर्षस्थ र वयोवृद्ध कम्युनिष्ट नेता का। कानुसन्यालको मृत्युबाट हाम्रो पार्टीलाई धेरै नै दुःख लागेको छ । जुन प्रकारको परिस्थितिमा उहाँको मृत्यु भयो त्यो झन् बढी दुःखको कुरा हो । साचार माध्यमद्वारा उहाँको मृत्युबारे जुन समाचारहरु आएका छन् तिनीहरुबारे बढि छानवीनको आवश्यकता छ । हाम्रो पार्टीले उहाँका शोक सन्तप्त परिवार तथा संगठनका सबै नेता र कार्यकर्ताहरुप्रति समवेदना प्रकट गर्दै उहाँप्रति श्रद्धााजली प्रकट गर्न चाहन्छ ।

मिति ः २०६६ चैत्र १४ गते