नेपाल कम्युनिष्ट पार्टी मसाल ले एकीकृत ने।s।पा। माओवादीद्वारा अनिश्चितकालिन आम हडताल स्थगित गरेको कार्यलाई स्वागत गर्दछ । त्यस सन्दर्भमा जनताले देशव्यापीरुपमा उठाएको आवाज र भूमिकालाई पनि हाम्रो पार्टीले अभिनन्दन गर्दछ ।

हाम्रो लगातार यो मत रहँदै आएको छ कि अहिलेको देशको जटिल राजनीतिक समस्याको समाधान शान्ति गणतन्त्रको सुदृढीकरण र संविधानको निर्माणका लागि समेत प्रमुख राजनीतिक दलहरुका बीचको सहमति र सहकार्य निर्णयात्मक महत्वको कुरा हो । तर त्यो सहमति लोकतान्त्रिक मूल्य मान्यता र संविधानद्वारा निर्धारित विधि अन्तर्गत नै हुनु पर्दछ । आपसमा भएको विवादहरुलाई त्यसरी नै टुंगाएर सहमति कायम गर्ने प्रयत्न गर्नुपर्दछ । सरकार सम्बन्धी विवादहरुलाई पनि त्यसरी नै टुंगाउने प्रयत्न गर्नुपर्दछ । सहमति कायम गर्ने नाममा लोकतान्त्रिक वा संवैधानिक विधिको अतिक्रमण गरियो भने त्यसबाट २०६२-६३ को उपलब्धिहरु र गणतन्त्र समेत समाप्त हुने अराजकताको अवस्था उत्पन्न हुने देशमा एक वा अर्को प्रकारको अधिनायकवादी प्रणाली कायम हुने खतरा हुनेछ । हामीले सत्तामा वा सत्ता बाहिर भएका सबै प्रमुख राजनीतिक शक्तिहरुसित परस्परमा सहमति कायम गरेर २०६२-६३का आन्दोलनका उपलब्धीको रक्षा गणतन्त्रको सुदृढीकरण शान्ति र संविधानको निर्माणका कार्यहरुलाई सफल पार्न अपील गर्दछौं ।

मिति ः २०६७ बैशाख २५ गते

�������
मोहनविक्रम िसंह
महामन्त्री