घिटित संसदको पुनस्र्थापना संविधानसभाको चुनाव राजतन्त्रको अन्त र गणतन्त्रको स्थापनापछि संविधानको निर्माण आज देशको सबैभन्दा महत्वपूर्ण राजनीतिक आवश्यकता भएको छ । संविधानको निर्माण हुन्छ वा हुँदैन त्यसमाथि देशको राजनीतिक अवस्था र भविष्य समेत काफी हदसम्म निर्भर गर्नेछ । त्यसैले अहिले यो राष्ट्रिय महत्वको प्रश्न बनेको छ ।

समाजमा विद्यमान सबै प्रकारका असमानताहरुको अन्त्यको लागि कम्युनिष्ट पार्टीको स्थापना भएको हो । समतामूलक समाजको स्थापनाको बाटो अत्यन्तै घुमाउरो र जटिल प्रकि्रयाबाट अगाडी बढेर मात्र साकार हुन सक्दछ । आज हाम्रो देशमा ६१।५ प्रतिशत जनताले कम्युनिष्ट पार्टीलाई समर्थन गरेका छन् । यो एउटा सुखद पक्ष हो तर जनताले जसलाई कम्युनिष्ट पार्टी भनेर समर्थन गरेका छन् ति पार्टीहरु निम्न पूँजीवादी दलदलमा भासिएका छन् । सच्चा कम्युनिष्ट पार्टी र विचारधारासंग टाढाको पनि साइनो छैन ।

वर्ग संघर्षका कामहरु सामाजिक कार्यहरु विकासका काममा आर्थिकको आवश्यकता पर्दछ । त्यो समस्या समाधान गर्न सबैले केही न केही योजना बनाएर आवश्यकता पूरा गर्ने गरेका हुन्छन् । जनताको पक्षमा काम गर्ने क्रान्तिकारी संगठनहरुले पनि आफ्नो योजनामा काम गर्नुपर्दछ । आर्थिक समस्याको समाधानको विषयमा कतिपय समुह वा व्यक्तिहरुले सबै कुराको निर्णय आर्थिक सम्पन्नताले नै गर्दछ जे गरेर भएपनि आर्थिक उत्पादनमा लाग्नु पर्दछ भन्ने सोंचाई राखेको पाईन्छ ।